പാലാ: ലോക പിതൃദിനത്തോടനുബന്ധിച്ച് പാലാ സെന്റ് വിൻസെന്റ് പ്രൊവിഡൻസ് ഹോമിലെ അന്തേവാസികൾക്ക് സ്നേഹവും കരുതലുമായി എസ്.എം.വൈ.എം (SMYM) അൽഫോൻസാഗിരി യൂണിറ്റിലെ യുവജനങ്ങൾ എത്തി. പ്രൊവിഡൻസ് ഹോം സന്ദർശിച്ച യുവജനങ്ങൾ അവിടെയുള്ള മുതിർന്നവർക്കൊപ്പം സമയം ചെലവഴിക്കുകയും അവരുടെ ആവശ്യങ്ങളറിഞ്ഞ് വിവിധ സേവനങ്ങൾ നൽകുകയും ചെയ്തു. SMYM അൽഫോൻസാഗിരി യൂണിറ്റ് പ്രസിഡന്റ് ഡിയോൺ ജോ തോമസ്, യൂണിറ്റ് സെക്രട്ടറി ബാസ്റ്റിൻ ജോസഫ് ബിനോയ് എന്നിവരുടെ നേതൃത്വത്തിൽ അഞ്ചോളം യുവജനങ്ങളാണ് സന്ദർശനത്തിൽ പങ്കാളികളായത്.
പിതൃദിനത്തിൽ തങ്ങളെ തേടിയെത്തിയ യുവതലമുറയെ പ്രൊവിഡൻസ് ഹോമിലെ മുതിർന്നവർ ഹൃദയപൂർവ്വമാണ് വരവേറ്റത്. അന്തേവാസികളുമായി വിശേഷങ്ങൾ പങ്കുവെച്ചും അവർക്ക് ആവശ്യമായ പരിചരണങ്ങൾ നൽകിയും മാതൃകാപരമായ പ്രവർത്തനങ്ങളാണ് അൽഫോൻസാഗിരി യൂണിറ്റിലെ യുവജനങ്ങൾ കാഴ്ചവെച്ചത്. തങ്ങളെപ്പോലുള്ള മുതിർന്നവരോട് പുതുതലമുറ കാണിക്കുന്ന ഈ കരുതലാണ് സമൂഹത്തിന് ആവശ്യമെന്ന് പ്രൊവിഡൻസ് ഹോം അധികൃതരും അന്തേവാസികളും അഭിപ്രായപ്പെട്ടു. മുതിർന്ന തലമുറയെ ആദരിക്കാനും അവർക്ക് താങ്ങാവാനും യുവജനങ്ങൾക്ക് ലഭിച്ച വലിയൊരു അവസരമായിരുന്നു ഈ സന്ദർശനമെന്ന് യൂണിറ്റ് ഭാരവാഹികൾ വ്യക്തമാക്കി.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
