അരുവിത്തുറ സെന്റ് ജോർജ് ഹയർ സെക്കൻഡറി സ്കൂളിൽ വിദ്യാർത്ഥികൾക്കായി സംഘടിപ്പിച്ച പത്തുദിവസത്തെ ഫുട്ബോൾ കോച്ചിംഗ് ക്യാമ്പ് സമാപിച്ചു. കായികരംഗത്ത് വിദ്യാർത്ഥികളുടെ കഴിവുകൾ വികസിപ്പിക്കുക എന്ന ലക്ഷ്യത്തോടെ നടത്തിയ ക്യാമ്പിൽ നിരവധി വിദ്യാർത്ഥികൾ ആവേശപൂർവ്വം പങ്കെടുത്തു. അടിസ്ഥാന ഫുട്ബോൾ പരിശീലനം, ഫിറ്റ്നസ് ട്രെയിനിംഗ്, ടീം കോ-ഓർഡിനേഷൻ, മത്സര തന്ത്രങ്ങൾ എന്നിവയിൽ വിദഗ്ധ പരിശീലനം നൽകി.
ക്യാമ്പിന്റെ സമാപനത്തോടനുബന്ധിച്ച് സർട്ടിഫിക്കറ്റ് വിതരണവും നടത്തി. ചടങ്ങിൽ ഹെഡ്മാസ്റ്റർ ശ്രീ ജോബിൻ തോമസ് അധ്യക്ഷത വഹിച്ചു. ശ്രീ ജോബി ജോസഫും ശ്രീ ജയ്സൺ ജേക്കബും കുട്ടികളെ അഭിനന്ദിച്ച് സംസാരിച്ചു. പരിശീലനത്തിൽ പങ്കെടുത്ത വിദ്യാർത്ഥികൾക്ക് സർട്ടിഫിക്കറ്റുകൾ വിതരണം ചെയ്യുകയും ഭാവിയിലും കായിക രംഗത്ത് മികച്ച നേട്ടങ്ങൾ കൈവരിക്കണമെന്ന് ആശംസിക്കുകയും ചെയ്തു.
ഈരാറ്റുപേട്ട ഉപജില്ലയിൽ പഠനപാഠ്യേതര പ്രവർത്തനങ്ങളിൽ മുൻപന്തിയിൽ നിൽക്കുന്ന വിദ്യാഭ്യാസ സ്ഥാപനമാണ് അരുവിത്തുറ സെന്റ് ജോർജ് സ്കൂൾ. കായികരംഗത്തും മികച്ച നേട്ടങ്ങൾ കൈവരിച്ച സ്കൂൾ, ഉപജില്ലാ ഗെയിംസിൽ ചാമ്പ്യൻമാരായി ശ്രദ്ധ നേടിയിരുന്നു. അക്കാദമിക് മികവിനൊപ്പം വിദ്യാർത്ഥികളുടെ സർവതോമുഖ വികസനത്തിനും സ്കൂൾ നൽകുന്ന പ്രാധാന്യമാണ് ഇത്തരം നേട്ടങ്ങൾക്ക് പിന്നിലെന്ന് അധ്യാപകരും രക്ഷിതാക്കളും അഭിപ്രായപ്പെട്ടു. വിദ്യാർത്ഥികളുടെയും രക്ഷിതാക്കളുടെയും ഭാഗത്ത് നിന്നും ക്യാമ്പിന് മികച്ച പ്രതികരണമാണ് ലഭിച്ചത്.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
