പാലാ സെന്റ്.തോമസ് കോളേജ് സ്ഥാപക ദിനാഘോഷവും അഭിവന്ദ്യ മാർ സെബാസ്റ്റ്യൻ വയലിൽ തിരുമേനി അനുസ്മരണവും ഇന്ന് രാവിലെ 10 മണിയ്ക്ക് നടന്നു. കോളേജിലെ മുഴുവൻ വിദ്യാർത്ഥികളും അദ്ധ്യാപകരും അനദ്ധ്യാപകരും ഗവേഷണ വിദ്യാർത്ഥികളും കോളേജ് അലുംമ് നി എക്സിക്യൂട്ടീവ് അംഗങ്ങളും പരിപാടിയിൽ പങ്കെടുത്തു.
കോളേജ് സ്ഥാപനത്തിന്റെ 73 വർഷങ്ങൾ പൂർത്തിയായതിന്റെ ആഘോഷങ്ങളുടെ ഭാഗമായി വിദ്യാർത്ഥികൾ വിവിധ വർണ്ണങ്ങളിലുള്ള ആയിരക്കണക്കിന് ഹൈഡ്രജൻ നിറച്ച ബലൂണുകൾ ആകാശത്തിലേയ്ക്ക് പറത്തി. തുടർന്ന് ചടങ്ങിൽ പങ്കെടുത്ത എല്ലാവരും വയലിൽ തിരുമേനിയുടെ ഛായാചിത്രത്തിൽ പുഷ്പാർച്ചന നടത്തി.
കോളേജ് പ്രിൻസിപ്പൽ പ്രൊഫ . ഡോ. ജയിംസ് ജോൺ മംഗലത്ത് , വൈസ് പ്രിൻസിപ്പൽ ഡോ. ഡേവിസ് സേവ്യർ , അലുംമ്നി പ്രസിഡൻറ് ശ്രീ. ഡി ജോ കാപ്പൻ , സെക്രട്ടറി ഡോ. സാബു ഡി മാത്യു , ട്രഷറർ ഡോ. സോജൻ പുല്ലാട്ട് , മുൻസിപ്പൽ കൗൺസിലർ ശ്രീ. ജിമ്മി, മുഖ്യസംഘാടകരായ ഡോ. സിറയക് ജോസ് , ഡോ.മാത്യു, ഡോ. ടോജി തോമസ്, വിവിധ വകുപ്പ് മേധാവികൾ, വൈദികർ , സിസ്റ്റേർസ് എന്നിവർ നേതൃത്വം നൽകി. പരിപാടികൾക്ക് ശേഷം ഐസ് ക്രീം വിതരണവും നടന്നു.
