ഓണാഘോഷവും അനഘ J കോലത്തിന് അനുമോദന സ്വീകരണവും

    "മുത്തശ്ശന്റെ എഴുത്തുകളിൽ വായിച്ചിട്ടുള്ള, വർഷങ്ങൾക്ക് മുന്നേ നാടിന് തണലായി മാറിയ വിദ്യാലയമാണ് വലവൂർ ഗവ.യുപി സ്കൂൾ " - കേന്ദ്ര സാഹിത്യ അക്കാദമി അവാർഡ്‌ ലഭിച്ച അനഘ ജെ കോലത്ത് വലവൂർ ഗവ.യുപി സ്കൂളിന്റെ സ്വീകരണവും ആദരവും ഏറ്റുവാങ്ങാൻ എത്തിയപ്പോൾ സന്ദർശക ഡയറിയിൽ   കുറിച്ചതാണിത്. 

.എല്ലാ മാസവും വലവൂർ സ്കൂളിലെ കുട്ടികൾക്ക്  കവിതയുടെ ബാലപാഠങ്ങൾ ചൊല്ലിത്തരുന്ന അനഘയുടെ പുരസ്കാരനേട്ടത്തിൽ സന്തോഷം പ്രകടിപ്പിച്ചു കൊണ്ട് സംഘടിപ്പിച്ച് പി ടി എ യും എസ് എം സി യും സംഘടിപ്പിച്ച യോഗത്തിൽ കരൂർ ഗ്രാമപ്പഞ്ചായത്ത് പ്രസിഡന്റ്  മഞ്ചു ബിജു പൊന്നാടയണിയിച്ചും ഫലകം നൽകിയും യുവ കവയിത്രിയെ ആദരിച്ചു.

.കരൂർ ഗ്രാമപ്പഞ്ചായത്ത് പ്രസിഡന്റ്  മഞ്ചു ബിജുവിന്റെ മനോഹരമായ കവിതാലാപനം തദവസരത്തെ കൂടുതൽ ഹൃദ്യമാക്കി. കരൂർ ഗ്രാമപ്പഞ്ചായത്ത് വിദ്യാഭ്യാസ - ആരോഗ്യ സ്റ്റാന്റിംഗ് കമ്മറ്റി ചെയർമാൻ ബെന്നി മുണ്ടത്താനത്ത് , ആരോഗ്യ സ്റ്റാന്റിംഗ് കമ്മറ്റി ചെയർപേഴ്സൺ ആനിയമ്മ ജോസ്, വാർഡ് മെമ്പർ ഗിരിജ ജയൻ എന്നിവർ ആശംസകൾ നേർന്നു.

. നിറഞ്ഞ കരഘോഷത്തോടു കൂടിയാണ് സദസ്സ് അനഘയെ വരവേറ്റത്.അതിഥിയായല്ല ആതിഥേയയായി തന്നെയാണ് താനിപ്പോൾ ഇവിടെ നിൽക്കുന്നതെന്നും ഈ അധ്യയനവർഷം കുട്ടികളിൽ സർഗ്ഗാത്മക രചനയ്ക്കുള്ള ശേഷി വികസനത്തിനുള്ള അവസരം ഒരുക്കിത്തന്ന  ഈ സ്കൂളിലെ അധ്യാപകരെ നന്ദിപൂർവ്വം സ്മരിക്കുന്നുവെന്നും

. ഈ സ്വീകരണവും ആദരിക്കലും സന്തോഷം പകരുന്നുവെന്നും കവിതാലാപനത്തിന്റെ അകമ്പടിയോടെ തന്റെ മറുപടി പ്രസംഗത്തിൽ അനഘ J കോലത്ത് പറഞ്ഞു. ഹെഡ് മാസ്റ്റർ രാജേഷ് എൻ വൈ സ്വാഗതവും എസ് എം സി ചെയർമാൻ രാമചന്ദ്രൻ കെ എസ് കൃതജ്ഞതയും പറഞ്ഞു.