വെള്ളക്കെട്ട് ഒഴിവാക്കാൻ 24 ലക്ഷം

പാലാ: പൊതുമരാമത്ത് വകുപ്പ് റോഡുകളുടെ അറ്റകുറ്റപ്പണികളുടെ ഭാഗമായി വെള്ളക്കെട്ട് ഒഴിവാക്കുന്നതിനും കലുങ്കുകൾ നിർമ്മിക്കുന്നതിനുമായി പാലാ നിയോജക മണ്ഡലത്തിലെ മൂന്ന് റോഡുകൾക്കായി 24 ലക്ഷം രൂപ അനുവദിച്ചതായി മാണി സി കാപ്പൻ എം എൽ എ അറിയിച്ചു. 

.ചേർപ്പുങ്കൽ -  മുത്തോലി - പാലാ - പാറപ്പള്ളി - ഭരണങ്ങാനം റോഡ് (12 ലക്ഷം), പുനലൂർ - മൂവാറ്റുപുഴ റോഡിൽ പാലാമണ്ഡലത്തിൽ വരുന്ന ഭാഗം (7 ലക്ഷം), വാഴൂർ-പുലിയന്നൂർ റോഡ് (5 ലക്ഷം) എന്നിങ്ങനെയാണ് സർക്കാർ ഫണ്ട് അനുവദിച്ചിരിക്കുന്നതെന്ന് എം എൽ എ പറഞ്ഞു. 

                 

.തുക അനുവദിച്ച റോഡിൻ്റെ ഭാഗങ്ങളിൽ മഴ പെയ്താലുടൻ വെള്ളക്കെട്ട് നിത്യസംഭവമായിരുന്നു. ഇതേത്തുടർന്നു മാണി സി കാപ്പൻ എം എൽ എ നൽകിയ ശിപാർശ കണക്കിലെടുത്താണ് സർക്കാർ തുക അനുവദിച്ചത്. പദ്ധതി പൂർത്തീകരിക്കുന്നതോടെ വിവിധ ഭാഗങ്ങളിലെ വെള്ളക്കെട്ടു പൂർണ്ണമായും ഒഴിവാക്കാനാവുമെന്ന് ചൂണ്ടിക്കാണിക്കപ്പെടുന്നു.

.