വേഴാങ്ങാനം സെൻ്റ ജോസഫ് എൽ.പി സ്കൂളിൽ വിദ്യാർത്ഥികൾക്കായി ലഹരിവിരുദ്ധ ബോധവൽക്കരണ സെമിനാർ സംഘടിപ്പിച്ചു. പാലാ എക്സൈസ് റേഞ്ച് ഓഫീസിലെ അസിസ്റ്റൻ്റ് എക്സൈസ് ഇൻസ്പെക്ടർ ജെക്സി ജോസഫ്, വനിതാ സിവിൽ എക്സൈസ് ഓഫീസർ സുജാത സി.ബി എന്നിവർ സെമിനാറിന് നേതൃത്വം നൽകി. കുട്ടികളിൽ ലഹരിയുടെ ദൂഷ്യഫലങ്ങളെക്കുറിച്ച് അവബോധം വളർത്തേണ്ടതിൻ്റെ ആവശ്യകതയെപ്പറ്റി അധികൃതർ ക്ലാസിൽ സംസാരിച്ചു.
സ്കൂൾ മാനേജർ റവ. ഫാ. ജോൺസൺ പര്യപ്പനാൽ ചടങ്ങിൽ അധ്യക്ഷത വഹിച്ചു. ഇതോടൊപ്പം, 2025-26 അധ്യയന വർഷത്തെ എൽ.എസ്.എസ് (LSS) പരീക്ഷയിൽ ഉന്നത വിജയം കരസ്ഥമാക്കിയ റിതികിന് (Rithik) സ്കൂൾ അധികൃതർ ഏർപ്പെടുത്തിയ പ്രത്യേക ക്യാഷ് അവാർഡും ചടങ്ങിൽ വെച്ച് സമ്മാനിച്ചു. സ്കൂളിലെ അധ്യാപകരും വിദ്യാർത്ഥികളും രക്ഷിതാക്കളും ചടങ്ങിൽ പങ്കെടുത്തു.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
