സി.എം.ഐ. ഇയർ ഓഫ് എഡ്യൂക്കേഷന്റെ ഭാഗമായി പൂഞ്ഞാർ സെന്റ് ആന്റണീസ് ഹയർ സെക്കന്ററി സ്കൂളിലെ എസ്.പി.സി. പ്രൊജക്ട് ഒരുക്കുന്ന കരിയർ ഗൈഡൻസ് പ്രോഗ്രാമായ പ്രൊ-മെന്റർ, അഡീഷണൽ ഇൻകം ടാക്സ് കമ്മീഷണർ ജ്യോതിസ് മോഹൻ ഉദ്ഘാടനം ചെയ്തു. സ്കൂൾ മാനേജർ ഫാ. സിബി മഞ്ഞക്കുന്നേൽ സി.എം.ഐ. അധ്യക്ഷത വഹിച്ചു.
ഹെഡ്മിസ്ട്രസ് സി. സൂസി മൈക്കിൾ, പി.റ്റി.എ. പ്രസിഡന്റ് എബി പൂണ്ടിക്കുളം, എസ്.പി.സി. ഓഫീസർമാരായ ടോണി തോമസ് പുതിയാപറമ്പിൽ, മരീന അബ്രാഹം എന്നിവർ പ്രസംഗിച്ചു. ഒരു വർഷം നീളുന്ന പ്രൊ-മെന്റർ പ്രൊജക്ടിന്റെ ഭാഗമായ കരിയർ ഗൈഡൻസ് സെമിനാറുകളിൽ പൊതുജനങ്ങൾക്കും വിദ്യാർഥികൾക്കും സൗജന്യമായി പങ്കെടുക്കാം.
വിവിധ കരിയറുകളിൽ പ്രാഗത്ഭ്യം തെളിയിച്ചവരുമായി നേരിട്ട് സംവദിക്കാനുള്ള അവസരമാണ് ഒരുക്കുന്നത്. രജിസ്റ്റർ ചെയ്യാനും പ്രോഗ്രാമുകൾ നടക്കുന്ന ദിവസവും സമയവും വാട്സാപ്പിൽ ലഭിക്കാനുമായി 9895871371 എന്ന നമ്പരിൽ മെസേജ് അയക്കണം.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
